Կազմակերպութեամբ ՀՅԴ Լիբանանի Պատանեկան միութիւններու Ընդհանուր վարիչ մարմինին, կիրակի, 3 ապրիլ 2016-ին աւելի քան 205 պատանիներ, իրենց պատասխանատուներուն հետ ուղղուեցան դէպի Լիբանանի հարաւային շրջան: Մլիթայի մէջ անոնք այցելեցին զբօսաշրջութեան կեդրոն` Մլիթայի զինուորական թանգարանը, ուր յատուկ առաջնորդներու ընկերակցութեամբ անոնք ծանօթացան թանգարանի տարբեր մասերուն, լսելով ու տեսնելով համապատասխան բացատրողական տեղեկութիւնները:
Թանգարան այցելութենէն ետք, անոնք միասնաբար ճաշեցին շրջանին մէջ գտնուող ճաշարանին մէջ ու երեկոյեան վերադարձան Պէյրութ: