Բուռն կերպով կը դատապարտենք Լեռնային Ղարաբաղի Հանրապետութեան դէմ Ազրպէյճանի կողմէ շղթայազերծուած թշնամական, զինուորական գործողութիւններու ծաւալումը, խաղաղ բնակավայրերու հրետակոծումները եւ տարածաշրջանը ապակայունացնելու դաւադիր ծրագիրները: Մեր ամբողջական զօրակցութիւնը կը յայտնենք Լեռնային Ղարաբաղի Հանրապետութեան, Հայաստանի Հանրապետութեան, հայոց բանակին եւ պայքարունակ մեր ժողովուրդին: Հակառակ սուրիահայութեան վիճակուած ծանր պայմաններուն, մեր հնարաւոր բոլոր կարելիութիւնները ի սպաս կը դնենք հայրենի հողին ու ժողովուրդին պաշտպանութեան:
ՍԴ ՀՆՉԱԿԵԱՆ ԿՈՒՍԱԿՑՈՒԹԻՒՆ
ՀՅ ԴԱՇՆԱԿՑՈՒԹԻՒՆ
ՌԱՄԿԱՎԱՐ ԱԶԱՏԱԿԱՆ ԿՈՒՍԱԿՑՈՒԹԻՒՆ
Հալէպ, 5 ապրիլ 2016