Սամցխէ-Ջաւախքի եւ Քուեմօ-Քարթլիի Հայկական հասարակական կազմակերպութիւններու խորհուրդը յայտարարութեամբ մը խստօրէն դատապարտած է ապրիլ 1-էն 2 լուսցող գիշերը Ազրպէյճանի կողմէ Լեռնային Ղարաբաղի սահմանին ողջ երկայնքով կատարուած յարձակումը:
«Ազրպէյճանի այս յարձակողապաշտ գործողութիւնները ո՛չ միայն կը վտանգեն խաղաղութիւնը Լեռնային Ղարաբաղի եւ Հայաստանի մէջ, այլ նաեւ ողջ տարածաշրջանին, որուն մաս կը կազմէ նաեւ Վրաստանը` իր բոլոր քաղաքական ու տնտեսական ծրագիրներով:
«Ջաւախքահայութիւնը խորապէս մտահոգուած է Ազրպէյճանի կողմէ իրավիճակի խիստ լարումով եւ խստօրէն կը դատապարտէ յարձակողական մօտեցումները:
«Սամցխէ-Ջաւախքի եւ Քուեմօ-Քարթլիի Հայկական հասարակական կազմակերպութիւններուն խորհուրդը իր զօրակցութիւնը կը յայտնէ Արցախի ժողովուրդին` թշնամիին յարձակողական գործողութիւնները կասեցնելու մէջ»: