Quantcast
Channel: Յօդուածներ – Aztag Daily –Ազդակ Օրաթերթ (Armenian Daily Newspaper based in Lebanon)
Viewing all articles
Browse latest Browse all 17231

Հաղորդագրութիւն

$
0
0

ԱՖՀԻԼ-ի 20-ամեակի առիթով, 6-9 հոկտեմբեր 2018-ին, ԱՖՀԻԼ-ի վարչութեան նախաձեռնութեամբ եւ տնօրէնութեան ընկերակցութեամբ, Հայաստան հրաւիրուեցան լիբանանցի տասը բժիշկներ եւ երեք ապահովագրական ընկերութիւններու ներկայացուցիչներ:

Անցնող քսան տարիներուն զանազան հիւանդանոցներու մէջ ԱՖՀԻԼ-ի միջոցով հայ համայնքի ծառայած ոչ հայ լիբանանցի տասը բժիշկներ տարբեր մասնագիտութիւններով, երեք օրերու ընթացքին հանդիպումներ ունեցան Հայաստանի մէջ  երկու հիւանդանոցներու, ապահովագրական ընկերութիւններու եւ առողջապահութեան փոխնախարարին հետ:

Անկախ հանդիպումներէն` խումբը այցելեց Ծիծեռնակաբերդ, Էջմիածին, Գառնի, Գեղարդ եւ Սեւանայ լիճ:

Հանդիպումներու ընթացքին, միտքերու եւ փորձառութիւններու փոխանակումներէն անդին,  նկատի առնուեցան նաեւ աշխատանքային եւ փոխադարձ գործունէութեան ծրագիրներ:

Նշենք նաեւ, որ կարգ մը բժիշկներ հիւանդանոցներու տէրեր էին, եւ այդ ուղղութեամբ մեծապէս գնահատուեցաւ Հայաստանի հիւանդանոցներու պարզած մակարդակի, մաքրութեան եւ սպասարկութեան պատկերը:

ԱՖՀԻԼ-ը այս ձեւով իր երախտագիտութիւնը յայտնեց խումբ մը լիբանանցի բժիշկներու` միեւնոյն ժամանակ Հայաստանի հետ գործնական կապ ստեղծելով եւ փոխադարձ գործակցութեան դաշտեր բանալով:

Վարձքը կատար բոլոր օժանդակողներուն:

ԱՖՀԻԼ


Viewing all articles
Browse latest Browse all 17231

Trending Articles



<script src="https://jsc.adskeeper.com/r/s/rssing.com.1596347.js" async> </script>