Quantcast
Channel: Յօդուածներ – Aztag Daily –Ազդակ Օրաթերթ (Armenian Daily Newspaper based in Lebanon)
Viewing all articles
Browse latest Browse all 17231

Ղարաբաղի Հերոս Զինուորին

$
0
0

ՌՈՒՊԻՆԱ ԿԷՕՎՃԵԼԵԱՆ

Ղարաբաղի հերո՛ս զինուոր,
դու ննջում ես uարերին`
դրօշը կրծքիդ, զէնքը գրկիդ, վարձքդ կատար,

դու առասպէլ մեր ապագայ քաջերին
հօրդ մէջքը կորացել է,
մօրդ ճրագը աղօտել է
եարիդ քողը սեւացել է,
երկինքն անգամ ամպոտել է
բայց  քնիր անուշ
դու հայ զինուոր
մեր լեռների լանջերին
քո անունը անմահ է մեր սրտերին

դու չհագար փեսի շորեր
չկապեցիր նարօտ եարիդ մազերին
չխմեցիր կենացը քո  պապիկի
չլսեցիր առաջին լացը քո բալիկի

բայց  քնիր անուշ,
դու հա՛յ զինուոր,
մեր լեռների լանջերին
քո անունը անմահ է մեր սրտերին
վաղը քո արեան կաթիլներից
պիտի ծնին նոր մարտիկներ
պիտի ծաղկին դաշտերը մեր
պիտի բացուի նոր արշալոյս
ազատ անկախ Ղարաբաղի լեռներին

Մայիս 2016


Viewing all articles
Browse latest Browse all 17231

Trending Articles



<script src="https://jsc.adskeeper.com/r/s/rssing.com.1596347.js" async> </script>