Յարգարժան խմբագրութիւն
«Ազդակ» օրաթերթի,
Ուսումնասիրութիւն մը կը պատրաստեմ հայ պղնձագործներու արտադրած բաղնիքի թասերուն մասին: Հալէպի մէջ այս թասերը արտադրուած են առնուազն 1870-ականներէն: Պիտի խնդրէի սիրելի ընթերցողներէն, որ եթէ նման թասեր ունին` հասցէիս փոխանցեն այդ թասերուն հետեւեալ տուեալները.-բարձրութիւն, տրամագիծ, ծանրութիւն, կշիռք, մետաղի հաստութիւն, թասին վրայ եղած արձանագրութիւնը եւ նախշերը: Փափաքելի է, որ նկարեն թասը եւ օրինակ մը ղրկեն հասցէիս:
Աշխատանքս նպատակ կը հետապնդէ անհետացած արհեստի մը վաւերագրումը:
Հասցէս.- adakessian@haigazian.edu.lb ; հեռ. 03712058, կամ` 01349230 ext. 205:
Կանխայայտ շնորհակալութեամբ`
Դոկտ. Անդրանիկ Տագէսեան