Շաբաթ, 31 դեկտեմբեր 2016-ի յետմիջօրէին ՀՄԸՄ-ի շեփորախումբը ազգային, հայրենասիական եւ ծննդեան երգերու նուագակցութեամբ շրջեցաւ Պուրճ Համուտի հայահոծ թաղամասերը` Արաքս, Մարաշ, Արմենիա պողոտայ եւ զանազան այլ թաղամասեր, ուր արժանացաւ ժողովուրդին բարձր գնահատանքին:
Արդարեւ, ՀՄԸՄ-ի շեփորախումբին կողմէ նախաձեռնուած ամանորեան շրջապտոյտը գեղեցիկ առիթ մըն էր թէ՛ ՀՄԸՄ-ականներուն, եւ թէ՛ ժողովուրդին համար, որովհետեւ ՀՄԸՄ-ականներ իրենց հոգեկան գոհունակութիւնն ու ուրախութիւնը գտան ժողովուրդին ուրախութեան ու գնահատանքի ծափողջոյններուն մէջ:
Սոյն նախաձեռնութեամբ, ՀՄԸՄ անգամ մը եւս ընդգծեց, թէ հայ երիտասարդութիւնը ներկայ է ամէնուրեք` թէ՛ հոգեւոր, եւ թէ ազգային բոլոր նախաձեռնութիւններուն` փաստելով, որ ՀՄԸՄ-ը կը շարունակէ մնալ այն տունը, ուր կը փոխանցուին ազգային ու հոգեւոր բոլոր արժէքները:
Կեցցէ՛ Հայ մարմնակրթական ընդհանուր միութիւնը: