116.- 30 մայիս 1999-ին կայացած Հայաստանի Ազգային ժողովի ընտրութիւններուն Դաշնակցութիւնը ունեցաւ 8 պատգամաւոր:
117.- 2003-ի յունուարին Երեւանի մէջ գումարուեցաւ ՀՅԴ 28-րդ Ընդհանուր ժողովը:
118.- 28 մայիս 2000-ին ազգային հերոս Դրաստամատ Կանայեանի վերայուղարկաւորութիւնը կը կատարուի Բաշ Ապարանի յուշարձանին մէջ:
119.- 2003 թուականի մայիս 25-ին տեղի ունեցած Հայաստանի երրորդ գումարման Ազգային ժողովի ընտրութիւններուն ՀՅԴ շահելով ընտրողներու ձայներու 12 տոկոսը` խորհրդարանէն ներս ունեցաւ 11 պատգամաւոր:
Նոյն թուականի յուլիս 11-ին խորհրդարանի երկու ուժերու` Հանրապետական կուսակցութեան եւ Օրինաց երկրի հետ ՀՅ դաշնակցութիւնը ստորագրեց համաձայնական յուշագիր: Ըստ համաձայնական յուշագրի պահանջներուն` Ազգային ժողովի նախագահի տեղակալի պաշտօնը վստահուեցաւ ՀՅԴ խմբակցութեան, իսկ կառավարութեան մէջ կուսակցութեան վստահուեցան առողջապահութեան, գիւղատնտեսութեան աշխատանքի ու ընկերային ապահովութեան նախարարութիւնները:
120.- 2007 թուականի մայիս 12-ին տեղի ունեցած ընտրութիւններուն ՀՅԴ-ի ցանկով ընտրուեցան 16 պատգամաւոր: 2008-ի մայիս 21-26, Ծաղկաձորի մէջ տեղի կ՛ունենայ ՀՅԴ 30-րդ Ընդհանուր ժողովը:
121.- 2008-ի յունիսին Աթէնքի մէջ կայացած Ընկերվար Միջազգայնականի 13-րդ համագումարին` ՀՅԴ-ի ներկայացուցիչը կ՛ընտրուի Ընկերվար Միջազգայնականի փոխ նախագահ:
122.- 2009-ի գարնան Թուրքիոյ հետ յարաբերութիւններ հաստատելու հարցի շուրջ տարուող քաղաքականութիւնը եւ նախապայմաններ պարունակող ստորագրուած հայ-թրքական արձանագրութիւնները անընդունելի նկատելով, ՀՅԴ յայտարարեց, թէ կառավարական համաձայնական կազմէն դուրս գալով կը դառնայ ընդդիմութիւն: Հրաժարական տուին նաեւ կառավարութեան կազմի դաշնակցական նախարարները:
123.- 2012 թուականի մայիսի 6-ին կայացած ընտրութիւններուն ՀՅԴ ցանկով Ազգային ժողովի անդամ կ՛ընտրուի 5 պատգամաւոր:
124.- 2013-ի նախագահական ընտրութիւններու նախօրեակին Դաշնակցութիւնը հրապարակեց Հայաստանի հետագայ ընթացքը ճշդորոշող իր պատկերացումը` 7 կէտերէ բաղկացած օրակարգը, որոնք գլխաւորաբար կը կեդրոնանան Հայաստանի խորհրդարանական հանրապետութեան վերածելու, 100 տոկոս համամասնական ընտրակարգը որդեգրելու եւ կառավարման համակարգին մէջ ընդդիմութեան լծակներ տալու առաջադրանքներուն շուրջ:
125.- Դաշնակցութիւնը մշակեց սահմանադրական բարեփոխումներու նախագիծ, իսկ 6 դեկտեմբեր 2015-ին հանրաքուէին նկատմամբ իր վճռական ԱՅՈ-ն յայտարարեց:
125-ամեայ երթ եւ 125 յատկանշական դէպք, սակայն երթն ու դէպքերու արձանագրութիւնը կանգ չեն առներ, Հայ յեղափոխական դաշնակցութիւնը կը շարունակէ իր վճռական եւ նուիրական երթը: