Quantcast
Channel: Յօդուածներ – Aztag Daily –Ազդակ Օրաթերթ (Armenian Daily Newspaper based in Lebanon)
Viewing all articles
Browse latest Browse all 17097

Արամ Ա. Կաթողիկոս Բացումը Կատարեց Մեծի Տանն Կիլիկիոյ Կաթողիկոսութեան Ձեռնարկած Հայագիտական Դասընթացքին

$
0
0

119_112015

20 նոյեմբեր 2015-ի երեկոյեան, Մեծի Տանն Կիլիկիոյ Արամ Ա. Կաթողիկոս պաշտօնական բացումը կատարեց Մեծի Տանն Կիլիկիոյ կաթողիկոսութեան Կրթական-հայագիտական բաժանմունքին կողմէ ձեռնարկուած հայագիտական դասընթացքին: Վեհափառ հայրապետը բաժանմունքի գործավար Ժիրայր Դանիէլեանի, դասաւանդողներու եւ միաբան հայրերու ներկայութեան հանդիպում ունեցաւ դասընթացքին արձանագրուած երեսունէ աւելի ուսանողներուն հետ:

Նորին սրբութիւնը յիշեցուց, թէ Մեծի Տանն Կիլիկիոյ կաթողիկոսութեան համար կարեւոր բնագաւառ է արեւմտահայերէնի պաշտպանութիւնը եւ այս առնչութեամբ տարբեր նախաձեռնութիւններու դիմած ենք: Նկատի ունենալով մեր մայրենիին դիմագրաւած դժուարութիւնները, նաեւ հաստատեցինք այս դասընթացքը չորս տարիներ առաջ: Ան իր ուրախութիւնը յայտնեց, որ փորձառական շրջանը անցած ենք, եւ տարուէ տարի աւելի ծրագրուած կը պատրաստուին ու կը համադրուին դասընթացքին նիւթերը: Կաթողիկոսը պարզեց, որ յաջորդ հանգրուանը պիտի ըլլայ համալսարանական մակարդակի բարձրացնել այս դասընթացքը եւ նշեց, թէ այդ ուղղութեամբ արդէն սկզբնական աշխատանք մը կը տարուի:

Ժիրայր Դանիէլեան նախ շնորհակալութիւն յայտնեց Արամ Ա.-ին եւ ըսաւ, թէ հակառակ այն իրողութեան, որ աշակերտներու ընտրութեան իմաստով աւելի խստապահանջ եղած են, բայց եւ այնպէս, այսօր աշակերտներու այսքան մեծ թիւով կը սկսին տարին: Ան վստահեցուց, որ այս նախաձեռնութիւնը անպայման իր դրական արդիւնքը պիտի տայ մեր գաղութին մէջ:


Viewing all articles
Browse latest Browse all 17097

Trending Articles



<script src="https://jsc.adskeeper.com/r/s/rssing.com.1596347.js" async> </script>