Իրաքահայ բանաստեղծ, ուսուցիչ Արամ սրկ. Քեթենճեան վերջերս լոյս ընծայած է «Մասունքներն ենք Արարատի» գիրքը, որուն մէջ տեղ գտած է Հայոց ցեղասպանութեան 100-ամեակին նուիրուած հարիւր քառատող:
«Մէկուկէս միլիոն հայ նահատակաց
Հարիւրամեակը յարգելու համար`
Խունկ ու մոմի հետ, ես նուիրեցի
Հարիւր քառատող ու խօսքեր արդար»:
Բանաստեղծը այս տողերով մեկնարկած է իր հարիւր քառատողերը, որոնց մէջ կ՛արտացոլայ հայ ժողովուրդին ողբերգութիւնը, գաղթի դաժան ուղին, վերապրողներու ժառանգորդներուն պահանջատիրութիւնը: