Լեռնային Ղարաբաղի Հանրապետութեան արտաքին գործոց նախարար Կարէն Միրզոյեանն ու Մերձտենսթրի Մոլտովական Հանրապետութեան արտաքին գործոց նախարարի պաշտօնակատար Վիթալի Իկնաթեւ 4 ապրիլին ունեցած են հեռաձայնային զրոյց մը, որուն մէջ անդրադարձ կատարուած է 1-էն 2 ապրիլ լուսցող գիշերը Լեռնային Ղարաբաղի եւ Ազրպէյճանի զինուած ուժերու շփման գիծին մէջ Ազրպէյճանի սանձազերծած լայնածաւալ ռազմական գործողութիւններուն եւ անոնց իբրեւ հետեւանք ստեղծուած իրավիճակին:
Լեռնային Ղարաբաղի արտաքին գործոց նախարարութենէն յայտնած են, որ Վիթալի Իկնաթեւ հաստատած է, որ Մերձտնեսթրի Մոլտովական Հանրապետութեան իշխանութիւններուն եւ ժողովուրդին անունով լիովին կ՛աջակցի եւ կը զօրակցի Արցախին` յոյս յայտնելով, որ շուտով վիճակը կը կայունանայ: Կողմերը համոզում յայտնած են այն մասին, որ ազրպէյճանական-ղարաբաղեան հակամարտութիւնը կարելի է լուծել բացառապէս խաղաղ միջոցով: