Ազգային Եղիշէ Մանուկեան քոլեճի մեծ ընտանիքը կը դատապարտէ համայն հայութեան թշնամի, արիւնարբու թուրքին եղբայր` Ազրպէյճանի գործած յարձակումը` արիւնով կերտուած Արցախ հայրենիքին վրայ եւ իր ամբողջական զօրակցութիւնը կը յայտնէ դրախտավայր Արցախին, որ ի բնէ եղած է ու կը մնայ հայկական հող:
Կը զօրակցինք Արցախի մարտնչող ժողովուրդին, աղօթող «Մամիկն ու Պապիկ»-ին, զէնք կրող կամաւորին, որ պատրաստ է կեանքը զոհելու հայրենիքի ազատութեան ու ժողովուրդին փրկութեան համար:
Յատկապէս մեր զօրակցութիւնը կը յայտնենք Արցախի խիզախ ու անպարտելի բանակին, որ ի ծնէ թրծուած է հայրենասիրութեամբ, որ գիշեր ու ցերեկ կը հսկէ սուրբ հողին ապահովութեան ու ցմահ կը պայքարի զայն անկախ պահելու համար:
Հաւատալով Խրիմեան Հայրիկի «Երկաթէ շերեփ»-ին` լիալոյս ենք եւ վստահ, որ ինչպէս 1994-ին, այս պատերազմը եւս պիտի աւարտի հայոց բանակի հերոսական յաղթանակով:
Փա՛ռք ու պատի՛ւ` հայ զինուորին
Համբերութի՜ւն նահատակ-հերոսի ընտանիքին
Յաւիտեան Ազատութիւն` Արցախ հայրենիքին:
ԱԶԳԱՅԻՆ ԵՂԻՇԷ ՄԱՆՈՒԿԵԱՆ ՔՈԼԵՃ