Նոյեմբեր 14-ին Մոնրէալ գտնուող Քանատայի հայոց թեմի առաջնորդարանի շէնքին մէջ սկսաւ Հայ օգնութեան միութեան (ՀՕՄ) Կեդրոնական վարչութեան լիագումար նիստը, որուն ընթացքին քննարկուեցան սուրիահայութեան օժանդակութեան, Ստեփանակերտի «Սօսէ» մանկապարտէզի կառուցման, ՄԱԿ-ի ծիրէն ներս ՀՕՄ-ի ծաւալած գործունէութեան հարցերը, ինչպէս նաեւ` միութեան շրջանային կառոյցներու հիմնախնդիրները:
Նշենք, որ նոյեմբեր 12-ին Կեդրոնական վարչութիւնը հանդիպում ունեցաւ Արեւելեան Միացեալ Նահանգներու, Արեւմտեան Միացեալ Նահանգներու, Քանատայի եւ Աւստրալիոյ Շրջանային վարչութեանց ներկայացուցիչներուն հետ: